Tuloy pa rin ang pagtanggap ng aplikasyon para mapunan lahat ang kinakailangang 50,000 contact tracers sa buong bansa.

Saan magpapasa ng application?

Sa pinakamalapit na DILG provincial o city field office sa inyong lugar. Bisitahin ang official websites o social media accounts ng DILG regional at field offices para sa partikular na impormasyon sa pagpapasa ng application. http://bit.ly/DILGRegions

Ano-ano ang kailangang ipasa ng aplikante?

• Application letter

• Personal Data Sheet (PDS)

• NBI clearance

• Diploma o transcript of record (TOR)

• Drug test result

Ano ang qualifications na dapat mayroon ang isang aplikante?

• Nakapagtapos o nasa kolehiyo sa isang allied medical o criminology course. Maaari rin naman ang mga nakapagtapos o kumukuha ng ibang kurso.

• Bihasa sa data gathering, research, at documentation

• Marunong makipanayam sa mga may sakit at nakasalamuha nila upang mangalap ng datos

• May abilidad na magsulong ng public health education messages

• Marunong magsiyasat (investigative capability)

Ano-ano ang mga responsibilidad ng contact tracers?

Kabilang sa kanilang mga responsibilidad ay pakikipanayam, profiling, at pagsagawa ng initial public health risk assessment ng mga kaso ng COVID-19 at ang mga nakasalamuha ng mga ito; pagdadala sa mga close contact sa mga isolation facilities; pagsasagawa ng enhanced contact tracing katulong ng ibang ahensiya at pribadong sector; pagsasagawa ng arawang monitoring ng mga close at general contacts sa loob ng 14 araw o higit pa; at iba pang gawaing may kinalaman sa COVID-19 response.

Ayon sa mga patakaran ng DILG, babayaran ang mga contact tracer ng P18,784 o mas mataas pa kada buwan sa ilalim ng contract of service.

BASAHIN: DILG adopts continuous hiring in filling up the 50,000 slots for Contact Tracers https://dilg.gov.ph/.../DILG-adopts.../NC-2020-1328

Maraming salamat po.